തിരുവനന്തപുരം: വിഴിഞ്ഞത്ത് സ്കൂട്ടറിലെത്തി വയോധികയുടെ സ്വർണമാല പൊട്ടിച്ചെടുത്ത കേസിൽ പ്രതികൾ അറസ്റ്റിൽ. നെയ്യാറ്റിന്‍കര പെരുമ്പഴൂതുര്‍ വടക്കോട് തളിയാഴ്ച്ചല്‍ വീട്ടില്‍ ജയകൃഷ്ണന്‍ (42), ചെങ്കല്‍ ശിവപാര്‍വ്വതി ക്ഷേത്രത്തിന് സമീപം ഇറച്ചികാണിപൊറ്റയില്‍ വീട്ടില്‍ മനോജ് (31) എന്നിവരെയാണ് വിഴിഞ്ഞം പോലീസ് കഴിഞ്ഞ ദിവസം അറസ്റ്റുചെയ്ത്. ഉച്ചക്കട ചന്തയില്‍ നിന്ന് സാധനങ്ങള്‍ വാങ്ങിയശേഷം പയറ്റുവിളയിലെ വീട്ടിലേക്ക് പോകുകയായിരുന്ന കമലാക്ഷിയുടെ (80) മാലയാണ് പ്രതികൾ കവർന്നത്.
സിസിടിവി ദൃശ്യങ്ങളുടെ സഹായത്തോടെ നടത്തിയ അന്വേഷണത്തിലാണ് പോലീസിന് പ്രതികളെ പിടികൂടാനായത്. വെള്ളിയാഴ്ച രാവിലെ 11.30-ഓടെയായിരുന്നു കേസിനാസ്പദമായ സംഭവം. നമ്പര്‍ പ്ലേറ്റ് മറച്ചുവെച്ച സ്കൂട്ടറിലെത്തിയ പ്രതികൾ വഴിയിലൂടെ നടന്ന് പോകുകയായിരുന്ന വയോധികയുടെ സ്വര്‍ണമാല പൊട്ടിച്ച് കടന്നുകളയുകയായിരുന്നു. ഇവരുടെ ഒന്നേകാല്‍ പവന്‍ തൂക്കമുളള മാലയാണ് മോഷ്ടിച്ചത്. പ്രതികളില്‍ മനോജിന്റെ സ്‌കൂട്ടറാണ് മോഷണത്തിന് ഉപയോഗിച്ചത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
