കൊല്ലം: കേന്ദ്ര ഭക്ഷ്യ സുരക്ഷാ അതോറിറ്റി രാജ്യ വ്യാപകമായി നടപ്പാക്കുന്ന ‘ഈറ്റ് റൈറ്റ് ഇന്ത്യ’ പദ്ധതിയുടെ ഭാഗമായി ജില്ലാ ഭക്ഷ്യസുരക്ഷാ വകുപ്പ് വിവിധ പരിപാടികള്‍ നടത്തുന്നു.22 ന് രാവിലെ ഏഴിന് ആശ്രാമം മൈതാനിയില്‍ നിന്നാരംഭിക്കുന്ന വാക്കത്തോണ്‍ സബ്കളക്ടര്‍ നിഷാന്ത് സിഹാര ഫ്‌ളാഗ് ഓഫ് ചെയ്യും. കൊല്ലം ബീച്ചില്‍ സമാപിക്കും. തുടര്‍ന്ന് എസ്എന്‍ കോളജ് എന്‍എസ്എസ് യൂണിറ്റ് നാടകം അവതരിപ്പിക്കും. 24 ന് രാവിലെ ഒമ്പത് മുതല്‍ കൊല്ലം സി. കേശവന്‍ മെമ്മോറിയല്‍ ടൗണ്‍ ഹാളില്‍ ഈറ്റ് റൈറ്റ് മേളയുടെ ഭാഗമായി പോസ്റ്റര്‍ രചനാ മത്സരം, മില്ലറ്റ് റസിപ്പി മത്സരം, പാനല്‍ ചര്‍ച്ച, സ്‌പോട്ട് ക്വിസ്, സാംസ്‌കാരിക പരിപാടി എന്നിവ നടത്തും. രാവിലെ 9.30 ന് ജില്ലാകലക്ടര്‍ എന്‍. ദേവീദാസ് ഉദ്ഘാടനം നിര്‍വഹിക്കും. ഭക്ഷ്യ സുരക്ഷാ അസിസ്റ്റൻറ് കമ്മീഷണര്‍ ടി.എസ് വിനോദ്കുമാര്‍ അധ്യക്ഷനാകും. നോഡല്‍ ഭക്ഷ്യ സുരക്ഷാ ഓഫീസര്‍ എ. അനീഷ, ജില്ലാ മെഡിക്കല്‍ ഓഫീസര്‍ ഡോ. എ. അനിത, ജില്ലാ സപ്ലൈ ഓഫീസര്‍ എസ്.ഒ. ബിന്ദു, ഡോ. ദേവ്കിരണ്‍, ആര്‍. വിമല്‍ ചന്ദ്രന്‍, പി. ബിജി തുടങ്ങിയവര്‍ പങ്കെടുക്കും. മാറുന്ന ഭക്ഷണശീലങ്ങള്‍ വിഷയത്തില്‍ ചര്‍ച്ച നടത്തും. ഉച്ചയ്ക്ക് രണ്ട് മുതല്‍ മേടയില്‍ മുക്ക് രേവതി കലാക്ഷേത്ര നൃത്ത വിദ്യാലയം ക്ലാസിക്കല്‍ ഫ്യൂഷന്‍, എസ്എന്‍ കോളജ് വിദ്യാര്‍ഥികള്‍ നാടന്‍പാട്ട്, നാടകം എന്നിവ അവതരിപ്പിക്കും. വൈകുന്നേരം മൂന്നിന് സമ്മാനവിതരണം നടക്കും.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
