തിരുവനന്തപുരം: പ്രായപൂർത്തിയാകാത്ത പെണ്‍കുട്ടിയെ തട്ടിക്കൊണ്ടുപോയി ഹോട്ടല്‍ മുറിയില്‍ താമസിപ്പിക്കുകയും എം.ഡി.എം.എ കൈവശം സൂക്ഷിക്കുകയും ചെയ്ത യുവാവ് പിടിയില്‍. തിരുവനന്തപുരം പുളിമാത്ത് വില്ലേജില്‍ മഞ്ഞപ്പാറ തടത്തരികത്ത് വീട്ടില്‍ സെബിൻ ഫിലിപ്പാണ് (22) ഈസ്റ്റ് പൊലീസിന്റെ പിടിയിലായത്. നഗരത്തിലെ സ്വകാര്യ ഹോട്ടലില്‍ നിരോധിത ലഹരിമരുന്നുമായി യുവാവ് എത്തിയിട്ടുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ ഈസ്റ്റ് പൊലീസ് നടത്തിയ പരിശോധനയിലാണ് സെബിനെയും 17 വയസുകാരിയെയും പിടികൂടിയത്. ബാഗില്‍ നിന്ന് 6.39 ഗ്രാം എം.ഡി.എം.എ കണ്ടെത്തി. പ്രായപൂർത്തിയാകാത്ത പെണ്‍കുട്ടിയെ കടത്തിക്കൊണ്ടുവന്ന് കൂടെ താമസിപ്പിച്ചതിനും എം.ഡി.എം.എ സൂക്ഷിച്ചതിനും കേസ് രജിസ്റ്റർ ചെയ്തു. ബംഗളൂരുവില്‍ നിന്നാണ് സെബിൻ ലഹരി മരുന്ന് എത്തിച്ചത്. ഇയാള്‍ ഡാൻസാഫ് സംഘത്തിന്റെ നിരീക്ഷണത്തിലായിരുന്നു. കൊല്ലം എ.സി.പി എസ്.ഷെറീഫിന്റെ മേല്‍നോട്ടത്തില്‍ കൊല്ലം ഈസ്റ്റ് പൊലീസ് ഇൻസ്പെക്ടർ അനില്‍കുമാറിന്റെ നേതൃത്വത്തില്‍ എസ്.ഐ മാരായ സുമേഷ്, ജോയ്, സവിരാജ്, സി.പി.ഒമാരായ വിനോദ്, ആദർശ്, ദീപക്, ഷഫീക്ക് എന്നിവരും ഡാൻസാഫ് എസ്.ഐ രാജേഷിന്റെ നേതൃത്വത്തില്‍ ഗ്രേഡ് എസ്.ഐ മാരായ ബൈജു.പി.ജെറോം, ഹരിലാല്‍, എസ്.സി.പി.ഒമാരായ സജു, സീനു, മനു, ജോജില്‍ എന്നിവരും അടങ്ങിയ സംഘമാണ് പ്രതിയെ പിടികൂടിയത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
