കൊച്ചി: നഗരത്തില്‍ രാസലഹരി ഒഴുകുന്നത് തടയാൻ പോലീസ് പരിശോധന ശക്തമാക്കി. നഗരത്തില്‍ പുതുവത്സരാഘോഷങ്ങളുടെ ഭാഗമായി രാസലഹരി ഒഴുകാനുള്ള സാധ്യതകള്‍ മുൻകൂട്ടി കണ്ടാണ് പരിശോധന കഴിഞ്ഞ മൂന്നു ദിവസമായി നഗരത്തില്‍ നടന്ന കർശന പരിശോധനകള്‍ക്ക് പുറമേ നഗരാതിർത്തിയില്‍ സൂക്ഷ്മ നിരീക്ഷണം തുടരാനാണ് പോലീസിൻ്റെ തീരുമാനം. രാജ്യത്തിന്റെ മറ്റു ഭാഗങ്ങള്‍ക്ക് പുറമേ രാജ്യാന്തര ലഹരി കടത്തിന്റെയും പ്രധാന കേന്ദ്രങ്ങളിലൊന്നായി കൊച്ചി മാറിയിരിക്കുന്ന സാഹചര്യത്തില്‍ വിമാനത്താവളത്തിലും പരിശോധനകള്‍ കർശനമാണ്. രാസലഹരി കൂടി ഉള്‍പ്പെട്ടിട്ടുള്ള ഡിജെ പാർട്ടികളും മറ്റും നഗരത്തില്‍ നടക്കാന്‍ സാധ്യതയുള്ളതിനാല്‍ ഇതും പോലീസിന്റെ നിരീക്ഷണത്തിലാണ്. ക്രിസ്മസും പുതുവത്സരവും പ്രമാണിച്ച്‌ ലഹരിമരുന്ന് ഒഴുകാൻ സാധ്യതയുള്ളതിനാല്‍ വലിയ പരിശോധനകളാണ് കഴിഞ്ഞ 3 ദിവസമായി കൊച്ചി പോലീസ് നടത്തിക്കൊണ്ടിരിക്കുന്നത്. ഇന്നലെ നടന്ന പരിശോധനയില്‍ മാത്രം 47 പേർ അറസ്റ്റിലാവുകയും 41 കേസുകള്‍ രജിസ്റ്റർ ചെയ്യുകയും ചെയ്തു. പിടിച്ചെടുത്തവയില്‍ എംഡിഎംഎ, എല്‍എസ്ഡി സ്റ്റാംപുകള്‍, കഞ്ചാവ് തുടങ്ങിയവയെല്ലാം ഉള്‍പ്പെടും.
%20copy.jpg)
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
