Saturday, 28 September 2024

മൂവാറ്റുപുഴയിൽ കാറും ബസും കൂട്ടിയിടിച്ച്‌ വിദ്യാര്‍ഥി മരിച്ചു.മൂന്ന് വിദ്യാര്‍ഥികള്‍ക്ക് പരിക്ക്

by Editor on September 28, 2024

മൂവാറ്റുപുഴ: വിദ്യാർഥികള്‍ സഞ്ചരിച്ച കാറും കെ.എസ്.ആർ.ടി.സി ബസും കൂട്ടിയിടിച്ച്‌ വിദ്യാർഥി മരിച്ചു. മൂവാറ്റുപുഴ-പിറവം റോഡില്‍ എയ്ഞ്ചല്‍ വോയ്സ് ജങ്ഷനില്‍ വെള്ളിയാഴ്ച വൈകീട്ട് 5.30ഓടെയാണ് അപകടം.

കോതമംഗലം എം.എ എൻജിനീയറിങ് കോളജ് വിദ്യാർഥി തൃശൂർ പൊറത്തിശ്ശേരി കല്ലട ക്ഷേത്രത്തിനുസമീപം ചെല്ലിക്കര വീട്ടില്‍ സുനി-കവിത ദമ്ബതികളുടെ മകൻ സിദ്ധാർഥാണ് (18) മരിച്ചത്. ഗുരുതര പരിക്കേറ്റ െനല്ലിക്കുഴി സ്വദേശിനി ഫാത്തിമ (19), മലപ്പുറം ഇല്ലിക്കല്‍ അഫ്റ അഷൂർ (19) എന്നിവരെ രാജഗിരി ആശുപത്രിയിലും ഓടക്കാലി മലേക്കുഴി ഐഷ പർവീണിനെ (19) മൂവാറ്റുപുഴ നിർമല മെഡിക്കല്‍ സെൻററിലും പ്രവേശിപ്പിച്ചു. അരീക്കല്‍ വെള്ളച്ചാട്ടം കണ്ട് മടങ്ങുകയായിരുന്നു വിദ്യാർഥികള്‍.

കോളജില്‍ എക്സിബിഷൻ നടക്കുന്നതിനാല്‍ പാമ്ബാക്കുട പഞ്ചായത്തിലെ അരീക്കല്‍ വെള്ളച്ചാട്ടം കാണാൻ പോയി മടങ്ങുകയായിരുന്നു വിദ്യാർഥികള്‍. ഇവർ സഞ്ചരിച്ച കാർ മാറാടി എയ്ഞ്ചല്‍ വോയ്സ് ജങ്ഷനില്‍ മറ്റൊരു വാഹനത്തെ മറികടക്കുന്നതിനിടെ മൂവാറ്റുപുഴയില്‍നിന്ന് വൈക്കത്തിനു പോകുകയായിരുന്ന കെ.എസ്.ആർ.ടി.സി ബസുമായി നേർക്കുനേർ ഇടിക്കുകയായിരുന്നു. ഇടിയുടെ ആഘാതത്തില്‍ കാർ പൂർണമായി തകർന്നു.

നാട്ടുകാർ കാർ വെട്ടിപ്പൊളിച്ച്‌ വിദ്യാർഥികളെ പുറത്തെടുത്ത് ആശുപത്രിയില്‍ എത്തിെച്ചങ്കിലും സിദ്ധാർഥ് മരിച്ചു. രണ്ടാംവർഷ മെക്കാനിക്കല്‍ എൻജിനീയറിങ് വിദ്യാർഥിയാണ് മരിച്ച സിദ്ധാർഥ്. ഒരു സഹോദരി ഉണ്ട്. സിദ്ധാർഥിന്‍റെ മൃതദേഹം മൂവാറ്റുപുഴ ജനറല്‍ ആശുപത്രി മോർച്ചറിയില്‍.