കാന്‍പൂര്‍: ബംഗ്ലാദേശിനെതിരായ രണ്ടാം ടെസ്റ്റിലെ ആദ്യ ഇന്നിങ്സിൽ
വെടിക്കെട്ടോടെ തുടങ്ങി ഇന്ത്യ. ആറോവര്‍ അവസാനിക്കുമ്പോള്‍ ഒരു വിക്കറ്റ്‌
നഷ്ടത്തില്‍ 66 റൺസെന്ന നിലയിലാണ്‌ ഇന്ത്യ യശസ്വി ജയ്സ്വാളും ശുഭ്മാന്‍
ഗില്ലുമാണ്‌ ക്രീസില്‍. നേരത്തേ ആദ്യ ഇന്നിങ്സില് ബംഗ്ലാദേശ് 233 റൺസിന്‌
പുറത്തായിരുന്നു. മൂന്ന്‌ വിക്കറ്റ്‌ നഷ്ടത്തിൽ 107 റൺസെന്ന നിലയിൽ നാലാം
ദിനം ബാറ്റിങ്‌ ആരംഭിച്ച ബംഗ്ലാദേശിന്‌ മൊമിനുള്‍ ഹഖിന്റെ സെഞ്ചുറിയാണ്‌
കരുത്തായത്‌.
ആദ്യ ഇന്നിങ്സില് ബാറ്റിങ്ങിനിറങ്ങിയ ഇന്ത്യയ്ക്കായി ഓപ്പണര്‍മാരായ
ജയ്സ്വാളും രോഹിത്തും മികച്ച തുടക്കമാണ്‌ നൽകിയത്‌. ടീം മൂന്നോവറില്‍
തന്നെ അമ്പത്‌ കടന്നു. ജയ്സ്വാളായിരുന്നു കൂടുതൽ അപകടകാരി. ടീം സ്‌കോർ
55 നില്‍ക്കേ രോഹിത്തിനെ ഇന്ത്യയ്ക്ക്‌ നഷ്ടമായി. 11 പന്തിൽ നിന്ന്‌ ഒരു
ഫോറും മൂന്ന്‌ സിക്‌സറുകളുമടക്കം രോഹിത്‌ 23 റൺസെടുത്തു. ജയ്സ്വാളും
ഗില്ലുമാണ്‌ ക്രീസില്‍.
നാലാം ദിനം തുടക്കത്തില്‍ തന്നെ 11 റൺസെടുത്ത മുഷ്ഫിഖര്‍ റഹീമിനെ
ബംഗ്ലാദേശിന്‌ നഷ്ടമായി. ക്രീസിൽ നിലയുറപ്പിച്ച്‌ ബാറ്റേന്തിയ മൊമിനുൾ
ഹഖാണ്‌ ബംഗ്ലാദേശിന്‌ കരുത്തായത്‌. വിക്കറ്റുകള്‍ വീഴുമ്പോഴും മൊമിനുൾ
സ്കോര്‍ ഉയര്‍ത്തിക്കൊണ്ടിരുന്നു. ലിട്ടൺ ദാസ്‌ (13), ഷാക്കിബ്‌ അല്‍ ഹസന്‍(9),
തൈജുൾ ഇസ്ലാം(5), ഹസന്‍ മഹ്മൂദ്‌ (1) എന്നിവര്‍ക്ക്‌ കാര്യമായ സംഭാവന
നല്‍കാനായില്ല. മെഹ്ദി ഹസന്‍ 20 റൺസെടുത്തു. ഇന്ത്യയ്ക്കായി ജസ്പ്രീത്‌
ബുംറ മൂന്ന്‌ വിക്കറ്റെടുത്തു. സിറാജ്‌, അശ്വിന്‍, ആകാശ്‌ ദ്വീപ്‌ എന്നിവര്‍ രണ്ട്‌
വീതം വിക്കറ്റെടുത്തു.
മഴ മൂലം കഴിഞ്ഞ രണ്ട്‌ ദിവസവും കളി മുടങ്ങിയിരുന്നു. ഞായറാഴ്ച മഴ
പെയ്തില്ലെങ്കിലും യട്ട്‌ഫീല്‍ഡ്‌ നനഞ്ഞുകിടന്നതിനാല്‍ മത്സരം
തുടങ്ങാനായിരുന്നില്ല. കഴിഞ്ഞ മൂന്നുദിവസത്തിനിടെ, വെള്ളിയാഴ്ച എറിഞ്ഞ
35 ഓവര്‍ മാത്രമാണ്‌ കളിച്ചത്‌. അതിന്‌ ശേഷം തിങ്കളാഴ്ചയാണ്‌ വീണ്ടും ബാറ്റിങ്‌
തുടരുന്നത്‌.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
