ശങ്കര്‍ സംവിധാനം ചെയ്യുന്ന അടുത്ത ചിത്രത്തിലൂടെ സൂര്യയും വിക്രമും വീണ്ടും
ഒന്നിക്കുന്നതായി റിപ്പോര്‍ട്ട്‌. തമിഴിലെ പ്രശസ്ത നോവൽ 'വീരയുഗ നായകൻ
വേല്‍പ്പാരി'യുടെ ചലച്ചിത്രാവിഷ്ക്കാരത്തിലൂടെയാണ്‌ ഇരുവരും ഒന്നിക്കുക
എന്നാണ്‌ റിപ്പോര്‍ട്ട്‌. ഇരുപത്തിയൊന്ന്‌ വര്ഷത്തിന് ശേഷമാണ്‌ വിക്രവും
സൂര്യയും ഒന്നിക്കുന്നത്‌. ബാല സംവിധാനം ചെയ്ത പിതാമകൻ എന്ന
സിനിമയിലായിരുന്നു നേരത്തെ ഇരുവരും ഒന്നിച്ച്‌ അഭിനയിച്ചത്‌. ഈ
ചിത്രത്തിലെ അഭിനയത്തിന്‌ വിക്രമിന്‌ മികച്ച നടനുള്ള ദേശീയ പുരസ്കാരം
ലഭിച്ചു.
ശങ്കറും വിക്രവും ഇത്‌ മൂന്നാം തവണയാണ്‌ ഒന്നിക്കുന്നത്‌. അന്യന്‍, ഐ
എന്നിവയാണ്‌ ഈ കൂട്ടുക്കെട്ടില്‍ ഒരുങ്ങിയ ചിത്രങ്ങൾ. ഈ രണ്ട്‌ ചിത്രങ്ങളും
സൂപ്പര്‍ഹിറ്റായിരുന്നു. സൂര്യയെ സംബന്ധിച്ച്‌ ശങ്കറിനൊപ്പമുള്ള ആദ്യ ചിത്രം
കൂടിയാകും ഇത്‌. ഹിന്ദി ചിത്രം തീ ഇഡിയറ്റ്സിന്റെ റീമേക്കായ വിജയ്‌
നായകനായ 'നന്‍പന്‍' എന്ന സിനിമയിൽ സൂര്യയെ പരിഗണിച്ചിരുന്നു. എന്നാൽ
ഈ സിനിമയില്‍ സൂര്യ അഭിനയിച്ചില്ല.
തമിഴകത്തെ ഏറ്റവും പ്രശസ്തമായ നോവലുകളില്‍ ഒന്നാണ്‌ എസ്‌ വെങ്കടേശൻ
എഴുതിയ 'വീരയുഗ നായകന്‍ വേല്‍പ്പാരി'. ഇതിന്റെ അവകാശം ശങ്കര്‍
നേരത്തെ സ്വന്തമാക്കിയിരുന്നു, തിരക്കഥ എഴുതിക്കൊണ്ടിരിക്കുന്നതായി
അദ്ദേഹം വ്യക്തമാക്കിയിരുന്നു.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
