വയനാട്: ദുരന്ത മേഖലയിലെ രക്ഷാദൗത്യത്തിനിടെ സൂചിപ്പാറ വെള്ളച്ചാട്ടത്തില്‍ കുടുങ്ങിയ രക്ഷാപ്രവര്‍ത്തകരെ പുറത്തെത്തിച്ചു. മുണ്ടേരി സ്വദേശികളായ റഹീസ്, സാലിൻ, കൊണ്ടോട്ടി സ്വദേശി മുഹ്‌സിൻ എന്നിവരെയാണ് കോസ്റ്റ് ഗാര്‍ഡ് രക്ഷപ്പെടുത്തിയത്. രക്ഷാപ്രവര്‍ത്തനത്തിന്‍റെ ഭാഗമായി ചാലിയാര്‍ പുഴ മുറിച്ച് കടക്കുന്നതിനിടെയാണ് മൂവര്‍ സംഘം പ്രദേശത്ത് കുടുങ്ങിയത്.
കഴിഞ്ഞ ദിവസം ഉച്ചയോടെയാണ് സംഘം വനംപ്രദേശത്തേക്ക് തെരച്ചിലിനായി പോയത്. രാത്രി വൈകിയും ഇവര്‍ തിരികെയെത്തിയിരുന്നില്ല. ഇന്ന് (ഓഗസ്റ്റ് 3) രാവിലെയാണ് പൊലീസും കോസ്റ്റ് ഗാര്‍ഡും ഇവരെ കാണാതായ വിവരം അറിയുന്നത്.
ഇതിന്‍റെ അടിസ്ഥാനത്തില്‍ മേഖലയില്‍ വ്യാപകമായി നടത്തിയ തെരച്ചിലിനൊടുവിലാണ് മൂവരെയും കണ്ടെത്തിയത്. പൊലീസ് അറിയാതെയാണ് മൂന്ന് പേരും രക്ഷാപ്രവര്‍ത്തനത്തിനായി വനമേഖലയിലേക്ക് പോയതെന്ന് ജില്ല പൊലീസ് മേധാവി അറിയിച്ചു.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
