മൃഗങ്ങൾ ആഹാരത്തിനായി ഇരയെ വേട്ടയാടുന്ന നിരവധി വീഡിയോകൾ ഇതിനകം സമൂഹ മാധ്യമങ്ങളിൽ പങ്കുവയ്ക്കപ്പെട്ടിട്ടുണ്ട്. എന്നാൽ, പക്ഷികളുടെ ഇരവേട്ടകൾ വളരെ അപൂർവ്വമായി മാത്രമാണ് പങ്കുവയ്ക്കപ്പെട്ടിട്ടുള്ളത്. ആ കുറവ് നികത്തുന്ന ഒരു ഗംഭീര വീഡിയോ കഴിഞ്ഞ ദിവസം സമൂഹ മാധ്യമങ്ങളിൽ പങ്കുവയ്ക്കപ്പെട്ടു. രണ്ട് പരുന്തുകളായിരുന്നു ആഹാരത്തിന് വേണ്ടി ആകാശത്ത് വച്ച് പോരാട്ടം നടത്തിയത്. വീഡിയോ പങ്കുവച്ച് കൊണ്ട് മുകൾ സോമൻ ഇങ്ങനെ എഴുതി, ‘പ്രായപൂർത്തിയായതും പ്രായപൂർത്തിയാകാത്തതുമായ കഷണ്ടി പരുന്തുകൾ തമ്മിൽ യുദ്ധത്തിൽ ഏർപ്പെടുന്നു. പ്രായപൂർത്തിയാകാത്തയാൾ ഒരു മത്സ്യവുമായി പറന്നു പോകുമ്പോൾ മുതിർന്നയാൾ “എൻറേത്” എന്ന് അവകാശപ്പെട്ടു.’ മുപ്പത്തിയെട്ട് ലക്ഷം പേരാണ് വീഡിയോ കണ്ടത്.
പച്ചപ്പ് നിറഞ്ഞ കുന്നുകളുടെ പശ്ചാത്തലത്തിലൂടെ ഒരു കഷണ്ടി കഴുകൻ ( juvenile bald eagle) പറന്നുയരുന്നിടത്താണ് വീഡിയോ ആരംഭിക്കുന്നത്. പറന്ന് പോകുന്ന മറ്റൊരു പരുന്തിൻറെ പുറകിലൂടെ ചെന്ന് അതിൻറെ കാലുകളിലാണ് പരുന്ത് പിടികൂടുന്നത്. തനിക്ക് കഴിക്കാനായി ഇരയേയും കാലിൽ കൊരുത്ത് പറക്കുകയായിരുന്നു പരുന്ത്. പറന്ന് പോകുന്നതിനിടെ മറ്റൊരു പരുന്ത് പിന്നിലൂടെ വന്ന് കാലിൽ പിടികൂടിയപ്പോൾ പരുന്തിൻറെ ബാലൻസ് നഷ്ടപ്പെടുകയും ഇരുവരും കാലിൽ കൊരുത്ത് നിയന്ത്രണം നഷ്ടപ്പെട്ട് താഴേക്ക് പോകുന്നു. ഇതിനിടെ പരുന്തിൻറെ കാലിൽ കൊരുത്ത ഇര നഷ്ടമാവുന്നു. ഇതോടെ രണ്ട് പരുന്തുകളും പിടിവിട്ട് ഇരുവഴിക്ക് പിരിയുന്നു.
വീഡിയോയുടെ ക്വാളിറ്റ് എടുത്ത് പറയേണ്ടതാണ്. ആകാശത്തിൽ അത്യാവശ്യം ഉയരത്തിൽ വച്ച് നടക്കുന്ന ഈ വേട്ടയാടൽ വളരെ സൂക്ഷ്മമായി തന്നെ ചിത്രീകരിക്കാൻ കഴിഞ്ഞു. വീഡിയോ കണ്ട് നിരവധി പേർ തങ്ങളുടെ അഭിപ്രായമെഴുതാനെത്തി. ‘എന്തൊരു ക്യാപ്‌ചർ! നിങ്ങളുടെ ട്രാക്കിംഗ് കഴിവുകൾ അവിശ്വസനീയമാണ്!’ ഒരു കാഴ്ചക്കാരനെഴുതി. ‘ഞാൻ കണ്ടിട്ടുള്ളതിൽ വച്ച് ഏറ്റവും അവിശ്വസനീയമായ എയറോബാറ്റിക് ഡിസ്പ്ലേ. വൗ! പ്രകൃതി വളരെ അത്ഭുതകരമാണ്. നിങ്ങളുടെ ഫൂട്ടേജും അങ്ങനെ തന്നെ. വൗ!’ മറ്റൊരു കാഴ്ചക്കാരൻ വീഡിയോ കഴ്ചയിൽ വീണുപോയി. ചിലർ വീഡിയോയ്ക്ക് ഉപയോഗിച്ച ലെൻസുകളെ കുറിച്ച് ചോദിച്ചു. നിക്കോൺ യുഎസ്എയുടെ Z9 ക്യാമറയെന്ന് അദ്ദേഹം കുറിച്ചു. ഒപ്പം ഫോക്കൽ ലെങ്തും അപ്രേച്ചറും അദ്ദേഹം എഴുതി.
ഗ്രൂപ്പിൽ അംഗമാകുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെ
യ്യുക
യ്യുക
