ലോകത്തിലെ ഏറ്റവും മികച്ച 25 ഹോട്ടലുകളിൽ ഒന്ന് നമ്മുടെ കേരളത്തിലാണ്; അതും മലയാളികളുടെ പ്രിയപ്പെട്ടയിടമായ മൂന്നാറിൽ.
കൊച്ചി : ലോകത്തിലെ ഏറ്റവും മികച്ച 25 ഹോട്ടലുകളുടെ പട്ടികയിൽ പതിനൊന്നാമത്തെയും ഇന്ത്യയിലെ ഒന്നാം സ്ഥാനം മൂന്നാറിലെ ആഡംബര റിസോർട്ടായാ ചാണ്ടീസ് വിൻഡി വുഡ്‌സ് കരസ്ഥമാക്കി. ട്രിപ്പ് അഡ്വൈസറിന്റെ 2024ലെ ട്രാവലേഴ്‌സു ചോയ്സ് അവാർഡിലാണ് വിൻഡീസ് വുഡ്‌സ് ഇടം നേടിയത്.
ലോകത്തിലെ മികച്ച 25 ലക്ഷ്വറി ഹോട്ടലുകളിൽ ആറാം സ്ഥാനവും ഏഷ്യയിലെ നാലാം സ്ഥാനവും ഇന്ത്യയിലെ ഒന്നാം സ്ഥാനവും ചാണ്ടീസ് വിൻഡീസ് വുഡ്‌സ് നേടി.
മൂന്നാറിന്റെ പ്രകൃതിദത്തമായ രീതിയിൽ പണികഴിപ്പിച്ച പഞ്ചനക്ഷത്ര ഹോട്ടൽ ആണ് ചാണ്ടീസ് വിൻഡീസ് വുഡ്‌സ്.2020,2021 വർഷങ്ങളിൽ തുടർച്ചയായി ഇന്ത്യയിലെ ഒന്നാമത്തെയും ലോകത്തിലെ പന്ത്രണ്ടാംമാത്തെയും ഏഷ്യയിലെ നാലാമത്തെയും മികച്ച ഹോട്ടലായി ട്രിപ്പ് അഡ്വൈസർ ട്രാവലേഴ്‌സ്ചോയ്സ് അവാർഡ് ലഭിച്ചിരുന്നു.
ആഗോള ഹോട്ടൽ ശൃംഖലകളുമായി മത്സരിച്ച് കേരളത്തിൽ ഒരു ഹോട്ടലിന് ലോകോത്തര നേട്ടം ഉണ്ടാക്കാൻ കഴിഞ്ഞതിൽ അഭിമാനം ഉണ്ടെന്ന് ചാണ്ടീസ് ഹോട്ടൽ ആൻഡ് റിസോർട്ട് മാനേജിങ് ഡയറക്ടർ മാത്യു കുരുവിള പറഞ്ഞു.
