കേരളത്തില്‍ ദീപാവലി ആഘോഷം ഒരു ദിവസം മാത്രമേയുള്ളു.എന്നാല്‍ ഉത്തരേന്ത്യയില്‍ അഞ്ച് നാള്‍ നീണ്ടു നില്‍ക്കുന്ന ആഘോഷമാണ് ദീപാവലി. ഈ അഞ്ച് നാളുകള്‍ക്കും വിവിധ ഐതിഹ്യങ്ങളാണുള്ളത്.
ധനത്രയോദശി
ധനത്രയോദശി എന്നാണ് ആദ്യദിനം അറിയപ്പെടുന്നത്. ഹിമ എന്ന രാജാവിന്‍റെ പുത്രനെ മരണവിധിയില്‍ നിന്നും അദ്ദേഹത്തെ ഭാര്യ രക്ഷപ്പെടുത്തിയ ദിനമാണ് ഇത്.രാജകുമാരന്‍ വിവാഹത്തിന്‍റെ നാലാം ദിവസം പാമ്പുകടിയേറ്റ് മരിക്കുമെന്നാണ് ജാതകത്തില്‍ . രാജുകുമാരന്‍റെ വിവാഹത്തിന്‍റെ നാലാം രാത്രിയില്‍ അദ്ദേഹത്തിന്‍റെ ഭാര്യ വീട്ടില്‍ മുഴുവന്‍ വിളക്കുകള്‍ കൊളുത്തി. ആഭരണങ്ങളുടെയും നാണയങ്ങളുടെയും കൂമ്പാരം വീട്ടിലെ വാതിലിനു മുന്നില്‍ നിരത്തി
ഒരു പാമ്പിന്‍റെ രൂപത്തിലെത്തിയ യമദേവന് വീട്ടിലെ പ്രഭാപൂരത്തില്‍ കണ്ണ് മഞ്ഞളിച്ച് അകത്തേക്ക് കടക്കാനായില്ല. അന്നു രാത്രി മുഴുവന്‍ രാജകുമാരി പറഞ്ഞ കഥകള്‍ കേട്ട് പാമ്പ് പിറ്റേന്ന് തിരിച്ചുപോയെന്നാണ് ഐതിഹ്യം.ഇത് പ്രകാരം മരണത്തിന് മേല്‍ ഇഛാശക്തി നേടുന്ന വിജയത്തിന്‍റെ ദിനമായാണ് ദീപാവലിയുടെ ആദ്യദിനം ആഘോഷിക്കുന്നത്.
നരക ചതുര്‍ദശി
കാര്‍ത്തിക മാസത്തിലെ പതിനാലാം ദിനമാണ് നരക ചതിര്‍ദശി അഥവാ ഛോട്ടി ദിവാലി ആയി ആഘോഷിക്കുന്നത്.നരകാസുകരനു മേല്‍ ശ്രീകൃഷ്ണന്‍ വിജയം നേടിയ ദിനമാണിത്.നരകാസുരനെ കൊന്ന് വിജയാഘോഷത്തില്‍ അസുരന്‍റെ രക്തം മുഖത്ത് തേച്ച ശ്രീകൃഷ്ണന്‍ അതിരാവിലെ വീട്ടിലെത്തി ശരീരം വൃത്തിയാക്കി. ഇതിന്‍റെ ഓര്‍മയ്ക്കായി ചോട്ടി ദീവാലി ദിനത്തില്‍ സൂര്യനുദിക്കും മുമ്പ് കുളിക്കുന്ന ആചാരം ഉത്തരേന്ത്യയിലുണ്ട്.
ഈ ദിവസം ജലാശയങ്ങളില്‍ ഗംഗാദേവിയുടേയും എണ്ണയില്‍ ലക്ഷ്മീ ദേവിയുടേയും സാന്നിധ്യമുണ്ടാകുമെന്നാണ് വിശ്വാസം. പ്രായധേദമെന്യേ എല്ലാവരും ഈ ചിട്ട അനുഷ്ഠിക്കാറുണ്ട്. ഇതിലൂടെ സര്‍വ്വ പാപങ്ങളില്‍ നിന്നും മോചനം ലഭിച്ച് ജീവിതത്തില്‍ അഭിവൃദ്ധിയും ഐശ്വര്യവും കൈവരുമെന്നാണ് വിശ്വാസം.
ദീപാവലിയുടെ അഞ്ച് ദിവസത്തെ ആഘോഷത്തില്‍ ഏറ്റവും പ്രധാനപ്പെട്ട ദിവസമാണ് മൂന്നാംദിനം. ഐശ്വര്യവും സമ്പല്‍ സമൃദ്ധിയും പ്രധാനം ചെയ്യുന്ന ലക്ഷ്മീ ദേവിയെ പൂജിക്കുന്നത് മൂന്നാം ദിനം പൂജിക്കുന്നു. ദേവന്മാരും അസുരന്മാരും നടത്തിയ പാലാഴിമഥനത്തിലൂടെ മഹാലക്ഷ്മി സൃഷ്ടിക്കപ്പെട്ട ദിനമാണ് ഇതെന്നാണ് ഐതിഹ്യം. ആഘോഷത്തില്‍ ഏറ്റവും പ്രധാനപ്പെട്ട ദിവസമാണ് മൂന്നാംദിനം. ഐശ്വര്യവും സമ്പല്‍ സമൃദ്ധിയും പ്രധാനം ചെയ്യുന്ന ലക്ഷ്മീ ദേവിയെ പൂജിക്കുന്നത് മൂന്നാം ദിനം പൂജിക്കുന്നു. ദേവന്മാരും അസുരന്മാരും നടത്തിയ പാലാഴിമഥനത്തിലൂടെ മഹാലക്ഷ്മി സൃഷ്ടിക്കപ്പെട്ട ദിനമാണ് ഇതെന്നാണ് ഐതിഹ്യം.
പദ്വ അഥവാ വര്‍ഷ പ്രതിപാദ
ഉത്തരേന്ത്യയില്‍ ഈ ദിവസം ഗോവര്‍ധനപൂജയ്ക്കാണ് പ്രാധാന്യം. മഴയുടെ ദേവനായ ഇന്ദ്രനെ പൂജിക്കാറുണ്ടായിരുന്ന ഗോകുലത്തില്‍ ശ്രീകൃഷ്ണന്‍റെ നിര്‍ദേശപ്രകാരം ഇന്ദ്രപൂജ നിര്‍ത്തിവെച്ചു.ഇതില്‍ കോപാകുലനായ ഇന്ദ്രന്‍ ഗോകുലത്തില്‍ അതിശക്തമായ മഴ പെയ്യിച്ചു. എന്നാല്‍ ഗോവര്‍ധന പര്‍വതം പിഴുതെടുത്ത് ഗോകുലത്തിന് മുകളില്‍ ഒരു കുടയായി പിടിച്ച ശ്രീകൃഷ്ണന്‍ ഗോകുലവാസികളെ രക്ഷിച്ചു. അതിന്‍റെ സ്മരണയ്ക്കായാണ് ദീപാവലിയുടെ നാലാം നാള്‍ഗോവര്‍ധന പൂജ നടത്തുന്നത് എന്നാണ് ഐതിഹ്യം.
ഭായ് ദുജ്
ദീപാവലി ആഘോഷത്തിന്‍റെ അഞ്ചാം ദിനമാണ് ഭായ്‍ദുജ്. മരണത്തിന്‍റെ ദേവനായ യമന്‍ തന്‍റെ സഹോദരിയായ യമിയെ സന്ദര്‍ശിച്ച് ഉപഹാരങ്ങള്‍ നല്‍കിയ ദിനമാണിത്. അന്ന് യമി യമന്‍റെ നെറ്റിയില്‍ തിലകമര്‍പ്പിച്ചു. ഈ ദിവസം സഹോദരിയുടെ കൈയില്‍ നിന്നും തിലകമണിയുന്നവര്‍ ഒരിക്കലും മരിക്കില്ലെന്ന് യമന്‍ പ്രഖ്യാപിച്ചു. സഹോദരീസഹോദരന്മാര്‍ക്കിടിയിലെ സ്നേഹത്തിന്‍റെ ഒരു പ്രതീകമെന്ന നിലയിലാണ് അഞ്ചാം ദിവസം ഭായ്‍ദുജ് ആഘോഷിക്കുന്നത്.
ചില പ്രദേശങ്ങളില്‍ ദീപാവലി ദിനം ഉത്തരേന്ത്യന്‍ വ്യാപാരികള്‍ക്ക് സാമ്പത്തിക വര്‍ഷാരംഭമാണ്. ധനത്തിന്‍റെ ഉത്സവം കൂടിയാണിത്. അതായത് ധനപൂജ അനുഷ്ഠിക്കേണ്ട ദിനം. വ്യാപാരികള്‍ക്ക് കടബാധ്യതയുള്ളവര്‍ അത് കൊടുത്തു തീര്‍ക്കുന്നത് അന്നാണ്. വ്യാപാരികള്‍ കടം വീട്ടുന്ന ദിവസവും ദീപാവലിയാണ്.
താഴെക്കൊടുത്തിരിക്കുന്ന ലിങ്കുകൾ വഴി ഞങ്ങളുടെ ചാനൽ സബ്സ്ക്രൈബ്, ഫോളോ ലൈക്‌ ചെയ്യാവുന്നതാണ്
Face ബുക്ക്‌ : https://www.facebook.com/keralahotelnews?mibextid=സ്‌ബിഡക്വൽ
Youtube : https://www.youtube.com/@keralahotelnews
