വെറും വയറ്റിൽ ഉലുവ വെള്ളം കുടിച്ചാലുള്ള ഗുണങ്ങൾ അറിയാമോ?
ആരോഗ്യത്തിന് ഏറെ നല്ലതാണ് ഉലുവയെന്ന് എല്ലാവർക്കുമറിയാം. പല തരത്തിലുള്ള ഗുണങ്ങളാണ് ഉലുവയ്ക്ക് ഉള്ളത്. കറികൾക്ക് മണവും രുചിയും നൽകാൻ മാത്രമല്ല ചില രോഗങ്ങൾക്കും അതുപോലെ മുടിയുടെ സംരക്ഷണത്തിനും ഉലുവ വളരെ നല്ലതാണ്. അൽപ്പം കയ്പ്പ് ഉള്ളതാണെങ്കിലും ഇതിൽ അടങ്ങിയിട്ടുള്ള പോഷകങ്ങളും ധാതുക്കളും ശരീരത്തിന് വളരെ പ്രധാനമാണ്. ഫൈബർ, ഇരുമ്പ്, മഗ്നീഷ്യം, മാംഗനീസ് എന്നിവയുൾപ്പെടെയുള്ള ധാതുക്കളാൽ സമൃദ്ധമാണ് ഉലുവ. രാവിലെ വെറും വയറ്റിൽ ഉലുവയിട്ട വെള്ളം കുടിച്ചാലും പല തരത്തിലുള്ള ഗുണങ്ങളാണ് ലഭിക്കുന്നത്.
പ്രമേഹം
നിർജ്ജലീകരണം സംഭവിച്ച രോഗികൾക്ക് ഉലുവ ഒരു അനുഗ്രഹമാണെന്ന് പറയാം. രക്തത്തിലെ പഞ്ചസാരയുടെ അളവ് കുറയ്ക്കാനും നിയന്ത്രണത്തിലാക്കാനും ഉലുവയ്ക്ക് കഴിവുണ്ട്. ദിവസവും രാവിലെ വെറുംവയറ്റിൽ ഉലുവ വെള്ളം കുടിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കും. പ്രമേഹമുള്ളവർക്ക് പേടിക്കാതെ ഉലുവ വെള്ളം കുടിക്കാവുന്നതാണ്.
കൊളസ്ട്രോൾ കുറയ്ക്കുന്നു
ഉലുവ പതിവായി ഭക്ഷണത്തിൽ ഉൾപ്പെടുത്തുകയോ ഉലുവ വെള്ളം ദിവസവും കുടിക്കുകയോ ചെയ്യുന്നത് ശരീരത്തിലെ ചീത്ത കൊളസ്‌ട്രോളിനെ അലിയിക്കും. പ്രത്യേകിച്ച്, ഇത് രക്തക്കുഴലുകളിൽ കൊഴുപ്പ് അടിഞ്ഞുകൂടുന്നത് കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു. കാർഡിയോ വാസ്കുലർ പോലുള്ള രോഗങ്ങളെ അകറ്റാൻ ഏറെ സഹായിക്കുന്നു.
പ്രതിരോധശേഷി മെച്ചപ്പെടുത്തുന്നു
ഉലുവയിൽ ധാരാളം ആന്റി ഓക്‌സിഡന്റുകൾ അടങ്ങിയിട്ടുണ്ട്. ഇത് നമ്മുടെ ഭക്ഷണത്തിൽ ഉൾപ്പെടുത്തുമ്പോൾ ശരീരത്തിന്റെ പ്രതിരോധശേഷി വർധിപ്പിക്കുന്നു. രോഗ പ്രതിരോധ ശേഷി ശക്തിപ്പെടുത്തുകയും അണുബാധകളിൽ നിന്ന് ശരീരത്തെ സംരക്ഷിക്കുകയും ചെയ്യുന്നു. ഉലുവ ചർമ്മത്തിനും അതുപോലെ മുടിയ്ക്കും ഏറെ നല്ലതാണ് ഉലുവ.
ദഹനം മെച്ചപ്പെടുത്തുന്നു
ദിവസവും ഉലുവ വെള്ളം കുടിച്ചാൽ ദഹനക്കേട് സംബന്ധമായ പ്രശ്‌നങ്ങൾക്ക് പരിഹാരമാകും.ഇതിലടങ്ങിയിരിക്കുന്ന നാരുകൾക്ക് ദഹനക്കേട്, മലബന്ധം, വായുവിൻറെ പ്രശ്നങ്ങൾ എന്നിവ പരിഹരിക്കാൻ കഴിയും. ഭക്ഷണത്തിലെ പോഷകങ്ങൾ ശരീരത്തെ ശരിയായി ആഗിരണം ചെയ്യാനും ഇത് സഹായിക്കുന്നു.
ആൻ്റി ഇൻഫ്ലമേറ്ററി ഗുണങ്ങൾ
ഉലുവയിലെ പല തന്മാത്രകളിലും ആന്റി-ഇൻഫ്ലമേറ്ററി ഗുണങ്ങൾ കൂടുതലാണ്. ഇവ ശരീരത്തിലെ വീക്കം കുറയ്ക്കാൻ ഏറെ സഹായിക്കും. അതിനാൽ സന്ധിവാതം, ആസ്ത്മ തുടങ്ങിയ വീക്കം ഉള്ളവർക്ക് ഈ ഉലുവ വെള്ളം തുടർച്ചയായി കഴിക്കാം. പ്രോട്ടീൻ, ഫൈബർ, വിറ്റാമിൻ സി, നിയാസിൻ, പൊട്ടാസ്യം, ഇരുമ്പ്, ആൽക്കലോയ്ഡുകൾ എന്നിവ ഉലുവയിൽ അടങ്ങിയിരിക്കുന്നു. അസിഡിറ്റി പ്രശ്‌നമുള്ള ആളുകൾ ഇതൊഴിവാക്കാൻ എല്ലാ ദിവസവും രാവിലെ ഒരു ടീസ്പൂൺ കുതിർത്ത ഉലുവ കഴിക്കുന്നത് ഗുണം ചെയ്യും.
