Petrol Diesel Price : ക്രൂഡ് വില 92 കടന്ന് കുതിക്കുന്നു; ഇന്ത്യയുടെ സാമ്പത്തിക സ്ഥിരത ബാധിക്കുമെന്ന് റിപ്പോർട്ട്
ആഗോളതലത്തിൽ ക്രൂഡ് വില ഉയരാൻ കാരണമാകുന്നത് സൗദിയും, റഷ്യയും വിതരണം വെട്ടിക്കുറയ്ക്കാൻ തീരുമാനിച്ചതോടെയാണ്. ഈ വിലവർധന ഇന്ത്യയെ ബാധിക്കുന്നില്ലെങ്കിലും, സമ്പദ്വ്യവസ്ഥയിൽ ഉയർന്ന സമ്മർദ്ദം ചെലുത്തുന്നുണ്ടെന്നാണ് ചില റിപ്പോർട്ടുകൾ സൂചിപ്പിക്കുന്നത്.
കൊച്ചി : കഴിഞ്ഞ സെഷനിൽ ചെറുതായി ഇടിവ് രേഖപ്പെടുത്തിയതിന് ശേഷം, ആഗോള ക്രൂഡ് ഓയിൽ വില വ്യാഴാഴ്ച ഉയർന്നു. ഈ വർഷത്തെ ക്രൂഡ് ഓയിൽ വിതരണത്തിൽ വിപണി അയവ് പ്രതീക്ഷിക്കാത്തതാണ് ഇതിന് കാരണമായത്. ആഗോള ബെഞ്ച്മാർക്കായ ബ്രെന്റ് ഫ്യൂച്ചറുകൾ ബാരലിന് 17 സെൻറ് ഉയർന്ന് 92.05 ഡോളറിലെത്തി, യുഎസ് വെസ്റ്റ് ടെക്സസ് ഇന്റർമീഡിയറ്റ് ക്രൂഡ് (WTI) 19 സെൻറ് ഉയർന്ന് 88.71 ഡോളറിലെത്തി.
ഈ വർഷം അവസാനം വരെ എണ്ണ ഉൽപാദനം വെട്ടിക്കുറയ്ക്കുമെന്ന് സൗദി അറേബ്യയും റഷ്യയും വ്യക്തമാക്കിയതിനാൽ നാലാം പാദത്തിലും വിപണി മാന്ദ്യം നേരിടാനാണ് സാധ്യതയെന്ന് ഇന്റർനാഷണൽ എനർജി ഏജൻസി ബുധനാഴ്ച പറഞ്ഞു. ഏജൻസി ഈ വർഷത്തേയും അടുത്ത വർഷത്തേയും ക്രൂഡ് ഡിമാൻഡ് വളർച്ചയെക്കുറിച്ചുളഅള കണക്കുകളിൽ ഉറച്ചുനിൽക്കുകയാണ്.
എടിഎം കാർഡ് വേണ്ട; ഒടിപി നൽകേണ്ട, യുപിഐ എടിഎം സൂപ്പറാണ്
അതേസമയം, 2023ലും 2024ലും ആഗോള എണ്ണ ആവശ്യകതയിൽ ശക്തമായി ഉയരാണ് സാധ്യതയെന്ന പ്രവചനത്തിൽ ചൊവ്വാഴ്ച ഒപെക് രാജ്യങ്ങളും ഉറച്ചുനിന്നു. വിപണിയിൽ ഡിമാൻഡിനെക്കുറിച്ച് ആശങ്കയുണ്ടാക്കുന്ന യുഎസിലെ ക്രൂഡ്, ഇന്ധന ഇൻവെന്ററികളിൽ അതിശയിപ്പിക്കുന്ന ഉയർച്ചയാണ് ഉണ്ടായതെന്ന് ഡാറ്റ സൂചിപ്പിക്കുന്നു. അതിനാൽ യുഎസിലെ രണ്ട് ബെഞ്ച്മാർക്കുകളും ബുധനാഴ്ച 10 മാസത്തെ ഏറ്റവും ഉയർന്ന നിലയിലെത്തി. യുഎസ് ക്രൂഡ് ഇൻവെന്ററികൾ കഴിഞ്ഞയാഴ്ച 4 ദശലക്ഷം ബാരൽ ഉയർന്നു. റിഫൈനർമാർ പ്രവർത്തനം ശക്തമാക്കിയതിനാൽ ഇന്ധന ഇൻവെന്ററികൾ പ്രതീക്ഷിച്ചതിലും കൂടുതൽ ഉയർന്നു.
എന്നാൽ സാമ്പത്തിക രംഗത്തിന്റെ കാര്യമെടുത്താൽ ഫെഡറൽ റിസർവ് അടുത്തയാഴ്ച പലിശനിരക്ക് ഉയർത്തില്ലെന്നും, നിലവിലെ നിലയിൽ തുടരുമെന്നുമാണ് വിപണി പ്രതീക്ഷിക്കുന്നത്. ഇത് ക്രൂഡ് ആവശ്യകത ഉയരുമെന്ന് പ്രതീക്ഷ നൽകുന്നുണ്ട്. പലിശ നിരക്ക് ഉയർന്നാൽ അത് വിപണിക്കും, ഉപഭോക്താക്കൾക്കും ചെലവ് വർധിപ്പിക്കുന്നു. ഇത് സാമ്പത്തിക വളർച്ചയെ മന്ദഗതിയിലാക്കുകയും ക്രൂഡ് ഡിമാൻഡ് കുറയ്ക്കുകയും ചെയ്യും.
ക്രൂഡ് വില ഉയരുമ്പോൾ
ഇന്ത്യയെ സംബന്ധിച്ച് കുതിച്ചുയരുന്ന ക്രൂഡ് ഓയിൽ വിലയുടെ മാക്രോ ഇക്കണോമിക് ആഘാതത്തെക്കുറിച്ചുള്ള ആശങ്കകൾ തീവ്രമായിരിക്കുകയാണെന്ന് കെയർഎഡ്ജ് റേറ്റിംഗിന്റെ റിപ്പോർട്ട് പറയുന്നു. ഇന്ത്യ ശരാശരി 85% ആയതിനാൽ എണ്ണ ഇറക്കുമതിയെ ആശ്രയിക്കുന്നതിനാൽ, അന്താരാഷ്ട്ര തലത്തിൽ ക്രൂഡ് ഓയിൽ വില തുടർച്ചയായി ഉയരുമ്പോൾ അത് രാജ്യത്തിന്റെ സമ്പദ്വ്യവസ്ഥയിൽ കാര്യമായ പ്രത്യാഘാതങ്ങൾ ഉണ്ടാക്കുന്നു. ക്രൂഡ് ഓയിൽ ഉപഭോക്താക്കളിൽ ലോകത്തിൽ മൂന്നാം സ്ഥാനത്താണ് ഇന്ത്യ. ആഗോള ക്രൂഡ് വിലയിലെ ചാഞ്ചാട്ടങ്ങൾക്കിടയിലും ഇറക്കുമതി കുറയ്ക്കാതെ ഉയർന്ന തലത്തിൽ നിലനിർത്താൻ ഇന്ത്യ ശ്രമിക്കുന്നുണ്ട്.
ഇന്നത്തെ ഇന്ധനവില
ന്യൂഡൽഹി
പെട്രോൾ - 96.72
ഡീസൽ - 89.62
മുംബൈ
പെട്രോൾ - 106.31
ഡീസൽ - 94.27
കൊൽക്കത്ത
പെട്രോൾ - 106.03
ഡീസൽ - 92.76
തിരുവനന്തപുരം
പെട്രോൾ - 110.02
ഡീസൽ - 98.80
കൊച്ചി (എറണാകുളം)
പെട്രോൾ - 108.15
ഡീസൽ - 97.04
കോഴിക്കോട്
പെട്രോൾ - 108.41
ഡീസൽ - 97.32
