ഇന്ത്യൻ സർക്കാരിന്റെ മെയ്ക്ക് ഇൻ ഇന്ത്യ സംരംഭത്തിന് കീഴിൽ ചെന്നൈയിലെ ഇന്റഗ്രൽ കോച്ച് ഫാക്ടറി (ഐസിഎഫ്) 18 മാസത്തിനുള്ളിൽ രൂപകൽപ്പനയും നിർമ്മാണവും ചെയ്തു പുറത്തിറക്കിയ ആധുനിക സൗകര്യങ്ങളുള്ള തീവണ്ടി ആണ് ട്രെയിൻ 18 എന്നുകൂടി അറിയപ്പെടുന്ന വന്ദേ ഭാരത് എക്സ്പ്രസ്
ഒരു ഇന്ത്യൻ അർദ്ധ അതിവേഗ (സെമി ഹൈ സ്പീഡ്) ഇന്റർസിറ്റി ഇലക്ട്രിക് മൾട്ടിപ്പിൾ യൂണിറ്റാണ്. വിദേശ രാജ്യങ്ങളിൽ നിന്ന് ഇറക്കുമതി ചെയ്യുന്ന സമാനമായ ട്രെയിനിനേക്കാൾ 40% കുറവ് ചെലവ് കണക്കാക്കുന്നു.
2019 ഫെബ്രുവരി 15 നാണ് ട്രെയിൻ ഇന്ത്യൻ റെയിൽ പാളത്തിലൂടെ ഓടി തുടങ്ങിയത്. ആദ്യം ട്രെയിൻ 18 എന്ന് നാമകരണം ചെയ്തതിനു ശേഷം പിന്നീട്
2019 ജനുവരി 27 ന് 'വന്ദേ ഭാരത് എക്സ്പ്രസ്' എന്ന് പേരിട്ടു.
